Еуропалық комиссияның (ЕК) басшысы Урсула фон дер Ляйен Еуропалық Одақ (ЕО) АҚШ-пен сауда келісімі аясында ресейлік энергия көздерінен толық бас тарту үшін америкалық мұнайды, сұйытылған табиғи газды (СТГ) және ядролық отынды «ауқымды» көлемде сатып ала бастайтынын мәлімдеді, деп жазады moscowtimes.ru.

«Арада тарифтер төмендетіліп, квота жүйесі енгізіледі. Біз сондай-ақ энергетикалық ынтымақтастығымызды кеңейтеміз. Америкалық энергетикалық ресурстарды сатып алу жеткізу көздерін әртараптандырады және Еуропаның энергетикалық қауіпсіздігіне ықпал етеді», — деді фон дер Ляйен Шотландияда АҚШ президенті Дональд Трамппен келіссөздерден кейін.

Оның айтуынша, ЕО-ға әлі күнге дейін ресейлік көмірсутектердің «тым көп» бөлігі түседі, ал Еуропа 2027 жылға қарай мұндай жеткізілімдерді толығымен тоқтатуға ниетті. Сондықтан алдағы үш жыл ішінде ЕО елдері АҚШ-тан 750 миллиард долларға отын сатып алады.