Илон Маскқа тиесілі X компаниясы жаңа XChat мессенджерін іске қосуды жоспарлап отыр.

Қосымша iOS жүйесіне арналған және 17 сәуірде таныстырылмақ. Жаңа мессенджер Telegram мен WhatsApp сияқты танымал платформаларға бәсекелес болуды көздейді.

XChat-тың негізгі ерекшеліктері:

• Хабарламалар толық шифрланады;
• Скриншот жасауға қарсы қорғаныс бар;
• Хабарламаларды өңдеу немесе екі тараптан да өшіру мүмкіндігі;
• Оқылғаннан кейін өздігінен жойылатын хабарламалар;
• Жүздеген адам қатыса алатын үлкен чаттар;
• Қоңырау шалу үшін телефон нөмірі қажет емес;
• Жарнама мүлдем болмайды.

Компанияның мәліметінше, бұл функциялар XChat-ты басқа мессенджерлерден айтарлықтай ерекшелендіріп, пайдаланушылар үшін тартымды етеді.

Айта кетейік, Илон Маск бұған дейін X платформасын әмбебап қосымшаға айналдыру жоспарын жариялаған. XChat – осы стратегияның бір бөлігі. Жоба аясында әлеуметтік желі тек жазба жариялайтын орта ғана емес, сонымен қатар хат алмасу, қоңырау шалу және файл алмасу қызметтерін біріктіретін экожүйеге айналмақ.