2025 жылдың алғашқы жартыжылдығында KAZ Minerals компаниясы алтын өндірісін 17,5%-ға қысқартты. Бұл туралы «Вестник золотопромышленника» басылымы хабарлады.

Компанияның мәлімдеуінше, бұл төмендеу алтын, күміс және мырыштың мөлшері аз жерлерде өндірістің жүргізілуіне байланысты орын алған.

 Негізгі өнім – мыс өндірісі де аздап қысқарды:
2025 жылдың қаңтар-маусым аралығында компания 184 мың тонна мыс өндірді, бұл өткен жылдың сәйкес кезеңімен салыстырғанда 3,6%-ға аз.

 Алайда, Ақтоғай кенішінде мыс өндірісі керісінше 0,8%-ға артып, 114,8 мың тоннаны құрады. Бұл сульфидті кенді өңдеудің жоғары тиімділігіне және жақсы металл алу көрсеткіштеріне байланысты болды.

• Алтын өндірісі: 145,8 мың унция (4,535 тонна -10%)

• Күміс өндірісі: 3,728 млн унция (115,954 тонна -7%)