2024 жылы Қазақстан жіберген барлық гуманитарлық көмек KazAID арқылы көрсетілді.
Біз қиын жағдайға тап болған елдерге гуманитарлық жүктерді жеткізуді үйлестірумен белсенді айналысамыз және өңірлік және жаһандық тұрақтылықты нығайтуға бағытталған дамуға ресми көмекті (ДРК) іске асыруға жәрдемдесеміз.
- Тәжікстан
Қазақстан Тәжікстанға 15 мың тонна мазутты қосқанда 2,5 млрд теңгеге (5,65 млн доллар) гуманитарлық көмек көрсетті. Қосымша 14 970 тонна мазут, 80 тонна дизель отыны, 30 тонна дизель майы, 325 тонна қарақұмық жармасы, 67 тонна май, 50 000 банка сүт консервілері жөнелтілді. Сондай-ақ шынжыр табанды экскаватор сатып алу үшін 67,9 млн теңге бөлінді.
- Қырғызстан
Қазақстан Қырғызстанға Бішкектегі ЖЭО апатын жою үшін 2 000 тонна дизель отынын, сондай-ақ 0,9 тонна макарон, 0,9 тонна қарақұмық жармасы, 2,25 тонна ет консервілері мен 0,05 тонна шай жіберді. Қырғызстандағы балшық тасқынынан зардап шеккен Ош облысына Қазақстан гуманитарлық көмек ретінде тасқын салдарын жоюға, халықты қолдауға және аудандарды қалпына келтіруге көмек жіберді.
- Ауғанстан
Қазақстан Ауғанстанға 5 000 литр май, 795 тонна күріш жармасы және 1 000 тонна бірінші сұрыпты ұн жіберді.
- Вьетнам
Қазақстан Вьетнамға 100 000 доллар бөлді.
Қазақстан Үкіметі құрған ҚР СІМ «KazAID» Қазақстандық халықаралық даму агенттігі гуманитарлық көмек көрсету арқылы ынтымақтастықты арттыруға және тұрақты дамуға ықпал етуге ресми көмек көрсету саласындағы басты оператор.
«KazAID» ДРК саласындағы мемлекеттік саясатты іске асырады, серіктес елдерде даму мен тұрақты өсуге жәрдемдеседі, Қазақстанның әртүрлі салалардағы жетістіктерін ілгерілетеді, тәжірибе алмасуға және әртүрлі елдердің мамандары арасында байланыс орнатуға ықпал етеді.
