Қаржы нарығын реттеу және дамыту агенттігі микрокредит беру қағидаларын бекітті.

Құжатқа сәйкес:

• Жарнамада микрокредиттің жылдық тиімді сыйақы мөлшерлемесі міндетті түрде көрсетіледі. Ол өзге мәтіннен кіші қаріппен жазылмауы тиіс.

• Микроқаржы ұйымдары клиенттермен жұмыс істеу тәртібін белгілеп, құқық пен мүддені қорғау саясатын, өтініш қарау мерзімін, өзара іс-қимыл рәсімдерін анықтауы қажет.

• Мүгедектігі бар және қозғалысы шектеулі азаматтарға қызмет көрсету ұлттық стандарттарға сәйкес 2026 жылғы 2 шілдеден бастап енгізіледі. Сондай-ақ сенімді тұлға қатысуымен қызмет көрсету ерекшеліктері де қарастырылған.

• Қызмет бойынша дау туындаған жағдайда, ұйым клиентке сотқа немесе микроқаржы омбудсменге жүгіну құқығы туралы хабарлауы міндетті. Бұл үшін ұйымның мекенжайы, байланыс поштасы мен интернет-ресурсы көрсетіледі.

Бұйрық 2026 жылғы 2 шілдеде күшіне енеді.