2024 жылы Қазақстандағы электронды сауда платформалары арқылы 152,5 миллион тауар тапсырысы қабылданды.

Бұл көрсеткіш 2023 жылмен салыстырғанда 28%-ға көп. Яғни, бір тұрғынға (жас мөлшеріне қарамастан) шаққанда, былтыр 7,6 тапсырыстан келсе, 2023 жылы 6 тапсырыс болған, деп хабарлайды DataHUB.

Нақты қанша тауар бірлігі сатып алынғаны белгісіз, бірақ төлем сомасы белгілі — 2,7 триллион теңге. Бұл көрсеткіш былтырмен салыстырғанда номиналды түрде 50%-ға, ал инфляцияны ескергенде 39%-ға өсті. Сондай-ақ, бір тапсырыстың орташа чегі де артқан: 2023 жылы 14,8 мың теңге болса, 2024 жылы бұл көрсеткіш 17,6 мың теңгеге жеткен.

2024 жылы маркетплейстер арқылы жасалған тапсырыстың ең үлкен үлесі телефон мен гаджеттерге тиесілі болды – жалпы көлемнің 27%-ы, шамамен 735 млрд теңге (номиналды түрде +51%).

Ең жоғары өсім көрсеткен категория – киім, аяқ киім және спорт тауарлары. Бұл сегменттегі сома номиналды түрде 4 есе өскен. Осы санаттың жалпы төлемдегі үлесі 2023 жылғы 4%-дан 2024 жылы 10%-ға дейін жетіп, 277,4 млрд теңгені құрады.