«Қазатомөнеркәсіп» Ұлттық атом компаниясы» АҚ экономика және қаржы жөніндегі бас директоры ауысады деп күтілуде, деп хабарлады компанияның баспасөз қызметі.

«2023 жылдың тамызынан бері экономика және қаржы жөніндегі бас директор, «Қазатомөнеркәсіп» ҰАК басқарма мүшесі Сұлтан Темірбаев 2024 жылдың 19 тамызында өз өтініші бойынша қызметінен кету туралы шешім қабылдады», - делінген жұмада жарияланған хабарламада.

Темірбаев бұл қызметте 2023 жылдың 1 қыркүйегінен бастап жұмыс істеп келеді.
Экономика және қаржы жөніндегі жаңа бас директор болып Марат Төлебаев тағайындалады деп күтілуде.

«Қазатомөнеркәсіп» – Қазақстанның уран мен оның қосындыларын, сирек металдарды, атом электр станцияларына арналған ядролық отынды және арнайы техниканы экспорттау жөніндегі ұлттық операторы.  «Самұрық-Қазына» Ұлттық әл-ауқат қоры» АҚ құрамына кіреді.