Алдын ала мәлімет бойынша, 3600-ден астам үй құлаған, үйінділердің астында қалған 407 адам құтқарылып, 30 мыңнан астам адам қауіпсіз жерлерге көшірілді, деп хабарлайды Синьхуа ақпарат агенттігі.

 Қытайдың оңтүстік-батысындағы Сицзан автономиялық ауданында болған 6,8 балдық жер сілкінісі 126 адамның өмірін қиса, тағы 188 адам жарақат алды, мыңнан астам ғимарат зақымданған. Ал Гималайдың солтүстік беткейіндегі мыңдаған ауылдары бар үйлер қирады.

«Үйінділердің астында қалғандарды іздеу жалғасып жатыр. Құтқарушылар эвакуацияланғандар үшін шатырларды мүмкіндігінше тез орнатуға тырысады, өйткені бұл аймақтағы температура минус 17 градус Цельсийге дейін төмендейді деген болжам бар», – делінген ақпарат агенттігі таратқан хабарламада.

ҚХР Төрағасы Си Цзиньпин кеше көп адамның өмірін сақтап қалу және құрбандарды барынша азайту үшін іздеу-құтқару жұмыстарын жүргізуге бар күшті салуды бұйырды. Өңір билігі апат аймағына 12 мыңнан астам құтқарушыны, оның ішінде өрт сөндірушілер, әскери қызметшілер мен полицейлердің кәсіби құтқарушыларын жіберді.

Қаржы министрлігі мен төтенше жағдайларды басқару министрлігі Сицзандағы апатты жою әрекеттерін қолдау үшін 100 миллион юань, шамамен 13,9 миллион АҚШ доллары бөлгенін хабарлады. Даму және реформалар жөніндегі мемлекеттік комитет жер сілкінісінен кейін қалпына келтіруді қолдау үшін 100 миллион юань жіберді. 

Қазір 1,5 мыңнан астам құтқарушы жұмылдырылған. Қытай төрағасы Си Цзиньпин адам шығынын азайту, зардап шеккендерді орналастыру және қауіпсіздікті қамтамасыз ету үшін іздеу-құтқару жұмыстарын жүргізуге бар күш-жігерді салуды талап етті.

Associated Press агенттігінің хабарлауынша, Қытай Халық Республикасы Мемлекеттік кеңесінің вице-премьері Чжан Гочин жұмысты бақылау үшін оқиға орнына барды. Қытай үкіметі зардап шеккендерге көмек көрсету үшін 13,6 миллион доллар бөлді.

АҚШ-тың геологиялық қызметі жер сілкінісінің магнитудасы 7,1 болғанын хабарлады. AP агенттігінің хабарлауынша, жер сілкінісінің ошағы Комолунгма (Эверест) тауынан солтүстік-шығысқа қарай 75 шақырым жерде орналасқан және жер сілкінісінен кейін тоғыз сағаттың ішінде тағы 150 афтер сілкініс тіркелген.