Қазақстанда статистика саласында жасанды интеллектке негізделген жаңа сервис іске қосылды.

Ұлттық статистика бюросы «AI Stat» атты виртуалды көмекшіні таныстырды. Ведомствоның мәліметінше, жаңа құрал пайдаланушыларға статистикалық деректерді табуды жеңілдетіп, есептілікті түсінуге және бюро қызметтерін байланыс орталығына жүгінбей пайдалануға мүмкіндік береді.

Көмекші диалог форматында жұмыс істейді. Ол есептілік бойынша кеңес беріп, нысандарды дұрыс толтыруға көмектеседі және қателер қаупін азайтады.

Сонымен қатар «AI Stat» сервистер бойынша навигацияны жеңілдетіп, Респондент кабинетінде жұмыс істеуді оңтайландырады. Жүйе БСН немесе ЖСН арқылы міндетті статистикалық нысандардың тізімін қалыптастырып, қызмет түріне сәйкес ЭҚЖЖ кодтарын іріктейді.

Мамандардың айтуынша, жаңа AI-көмекші күнделікті процестерді автоматтандырып, жұмыс тиімділігін арттыруға бағытталған.