Отбасы банк 10 наурыздан бастап «Наурыз» тұрғын үй бағдарламасына өтінім қабылдауды бастады.

Құжаттар 31 наурызға дейін онлайн түрде Baspana Market платформасы арқылы қабылданады.

Бағдарламаға банктің депозиті бар және шотында кемінде 2 млн теңге жинағы бар, соңғы 5 жылда өзінде де, отбасы мүшелерінде де тұрғын үйі болмаған салымшылар қатыса алады.

Несие шарттары:

• Бастапқы жарна:
  – таза әрленген жаңа тұрғын үйге – 10%-дан;
  – әрленбеген немесе қайталама тұрғын үйге – 20%-дан.

• Сыйақы мөлшерлемесі:
  – 7% (ЖТСМ 7,1%-дан) – әлеуметтік осал топтарға;
  – 9% (ЖТСМ 9,4%-дан) – басқа қатысушыларға.

• Ең жоғары несие сомасы:
  – өңірлерде – 30 млн теңге;
  – Астана және Алматы қалаларында – 36 млн теңге.

• Несие мерзімі – 19 жылға дейін.

Бағдарлама аясында ірі қалаларда тек жаңа тұрғын үйлерді, ал моноқалалар мен ауылдық елді мекендерде бастапқы және қайталама нарықтағы пәтерлерді сатып алуға болады.