Шетелдік инвесторлар кеңесі аясында Қазақстан Республикасының Премьер-министрі Олжас Бектенов шетелдік компаниялардың басшыларымен кездесулер өткізді. Мемлекет басшысының тапсырмасы бойынша Үкімет Мемлекет басшысының тапсырмасы бойынша проактивті инвестициялық саясатты енгізу жұмыстары жүргізуде. Жасанды интеллектіні дамыту және цифрлық трансформация ұлттық басымдықтардың бірі ретінде айқындалды.

Beeline Kazakhstan холдингінің президенті Евгений Настрадинмен кездесу барысында Қазақстанның цифрлық инфрақұрылымын одан әрі дамыту, сондай-ақ еліміздегі VEON Group бірлескен жобаларын іске асыру мәселелеріне ерекше назар аударылды. Beeline Kazakhstan-ның 11 миллионнан астам абонентке қызмет көрсетудегі үлесі және цифрлық инклюзия мен цифрлық сауаттылықты арттыру жөніндегі бастамаларға қатысуы атап өтілді.

Сонымен қатар, 50-ден астам тұрғыны бар ауылдық елді мекендерді жоғары жылдамдықты интернетпен қамтамасыз ету жөніндегі әлеуметтік инвестициялық жобаның іске асырылуы талқыланды.



Премьер-министр атап өткендей, үкімет алдағы жобаларды іске асыруда қажетті қолдау көрсетуге дайын. Кездесу қорытындысы бойынша салалық министрліктерге айтылған ұсыныстарды, соның ішінде жасанды интеллект пен цифрлық шешімдерді қолданатын жаңа инновациялық жобаларды пысықтау тапсырылды.

Beeline Kazakhstan шетелдік қатысуы бар ірі салық төлеушілер рейтингінде 13-орынды иеленеді. 2024 жылы бюджетке аударылған төлемдер көлемі 52 млрд теңгеден асты. 2025 жылдың 9 айында компанияның күрделі шығындары 68 млрд теңгені құрады, бұл 2024 жылдың сәйкес кезеңімен салыстырғанда шамамен 40%-ға жоғары. Инвестициялардың тұрақты өсімі байқалады – бұл көрсеткіш жыл сайын 20–30%-ға артып отыр. Соңғы бес жылдың өзінде оператордың елдің цифрлық инфрақұрылымына салған жалпы инвестиция көлемі 370 млрд теңгеден асты. Осылайша, компания цифрлық қызметтерді тұтынудың үздіксіз өсуі аясында байланыстың жоғары сапасын қамтамасыз етіп отыр.

Цифрландыру саласындағы ең маңызды жетістіктердің бірі – 2025 жылы Қазақстанда алғаш рет елдің бүкіл аумағында қосымша құрылғыларды қажет етпейтін, жерсеріктік байланысты қамтамасыз ететін Direct to Cell технологиясының сынақтан өткізілуі болды. Жобаны Beeline Kazakhstan компаниясы ҚР ЦДИАӨМ қолдауымен Starlink-пен бірлесіп іске асыруда. Бұл технология цифрлық теңсіздікті жоюдың және ұлттық байланыс желісінің тұрақтылығын арттырудың қосымша құралы ретінде қарастырылады. Мұндай бастамалардың жүзеге асырылуы Beeline Kazakhstan-ның цифрлық инфрақұрылымды дамытудағы және елдің технологиялық әлеуетін нығайтудағы стратегиялық рөлін айқындайды.

Beeline Қазақстан туралы

Beeline Қазақстан – 11,9 млн клиентке қызмет көрсететін және телеком-бизнес пен цифрлық платформаларды біріктіретін елдегі ірі цифрлық операторлардың бірі.

Компанияның негізгі өнімі – ай сайынғы белсенді пайдаланушыларының саны 4,7 млн адамды құрайтын (2025 жылдың III тоқсанындағы есептілік деректері бойынша) Janymda суперапп қосымшасы. Ол финтех-сервистер мен күнделікті цифрлық қызметтерді біріктіреді. Сондай-ақ цифрлық өнімдер портфеліне BeeTV онлайн-платформасы, hitter музыкалық сервисі, сонымен қатар ай сайын 3,8 млн белсенді пайдаланушысы бар Simply финтех-бағыты және серіктестік цифрлық платформалар кіреді.

Осы жылдың желтоқсан айында компания Қазақстанда Starlink ұсынған Direct to Cell технологиясын сәтті сынақтан өткізді. Қызметті коммерциялық негізде іске қосу 2026 жылға жоспарланған.