2016 жылғы қаңтар-ақпанда Қазақстан Республикасындағы инфляция 2,5%-ды құрады. Бұл туралы статистика комитеті хабарлады. 

Баға азық-түлік тауарларына ағымдағы жылғы екі айда (2016ж. ақпан 2015ж. желтоқсанға) 2,7%, азық-түлік емес тауарларына – 1,8%, ақылы қызметтерге – 2,8%-ға өсті.

                                                                                                                пайызбен, өсуі

	2016 ж. ақпан				2016ж. қаңтар-ақпан 2015ж. қаңтар-ақпанға
	2016ж. қаңтарға	2015ж. желтоқсанға	2015ж. ақпанға	2010ж. желтоқсанға
Тауарлар мен қызметтер	1,1	2,5	15,2	49,0	14,8
Азық-түлік тауарлары	0,9	2,7	12,4	46,2	12,0
Азық-түлік емес тауарлар	0,8	1,8	25,4	51,3	24,6
Ақылы қызметтер	1,6	2,8	8,9	49,9	8,7

  2016 жылдың басынан (2016ж. ақпан 2015ж. желтоқсанға) бағаның өсуі жаңа жиналған көкөністерге 8,7%, қантқа – 8,5%, қара шайға – 6,2%, нанға – 5,8%, жұмыртқаға – 5,4%, жаңа жиналған жемістерге – 5,3%, күнбағыс майына – 5%-ға, жармаларға, кептірілген жемістер мен жаңғақтарға – 3,9%-дан, макарон өнімдеріне – 3,6%, мәйекті ірімшікке – 3,5%, сүзбеге – 3,2%, құс етіне – 2,9%, консервіленген сүтке – 2,5%, кондитерлік өнімдерге – 2,2%, салқындатылған сусындарға – 2%, 1 сұрыпты ұнға – 1,9%, тоқаш және ұннан дайындалатын өнімдерге – 1,8%, балық және теңіз өнімдеріне – 1,5%, шұжық, ет өнімдеріне – 1,4%-ға, күрішке, қышқыл сүт өнімдеріне – 1,3%-дан тіркелді. Баға өсімі фармацевтикалық өнімдерге 7,3%, тұрмыстық аспаптарға – 3,5%, шыны және қыштан жасалған өнімдерге – 3,1%, тоқыма бұйымдарына – 2,7%, жуғыш және тазалағыш құралдарға, жеке қолданатын тауарларға – 2,5%-дан, автомобильдерге – 2,3%, жолға қажетті тауарлар мен заттарды тасымалдайтын басқа да бұйымдарға – 2,2%, кеңсе тауарлары мен сызу құралдарына – 1,8%, киім және аяқ киімге – 1,2% құрады. Баға бензинге 0,8%, дизель отынына – 0,3%-ға төмендеді. Сондай-ақ, баға деңгейі денсаулық сақтау қызметтеріне 3,6%, мектепке дейінгі балалар мекемесінің – 2,6%, демалыс, ойын-сауық және мәдениет саласындағы – 1,2%, шаштараздар мен жеке қызмет көрсету орындарының – 1,1%-ға өсті. Алыс қашықтыққа қатынайтын жолаушылардың темір жол көлігіне жол жүру ақысы 9,3%, ішкі қалалық қатынастарда автобуспен – 1,8%-ға қымбаттады. Тұрғын үй-коммуналды қызметтер саласында тарифтер кәрізге 9,4%, орталықтан жылытуға – 7%, ыстық суға – 6,3%, қоқыс шығаруға – 5,2%-ға, электр энергиясына, суық суға – 4,4%-дан, тарату желілері арқылы тасымалданатын газға – 4,2%-ға жоғарылады.