Ресей газының Еуродаққа транзиті ресми түрде 1 қаңтарда тоқтатылды.
Украина белгіленген тәртіп бойынша шетелдік серіктестерге хабар берді, – делінген министрліктің мәлімдемесінде.
Украина президенті Владимир Зеленский Ресей газының Украина арқылы транзитінің тоқтатылуы Ресей мен оның президенті Владимир Путин үшін ең ауыр жеңілістің бірі екенін айтты.
«25 жылдан астам уақыт бұрын Ресейде Путинге билік берілген кезде, Украина аумағы арқылы Еуропаға жыл сайынғы газ жеткізу 130 миллиард текше метрден астам болды. Бүгінгі таңда ресейлік газдың транзиті – 0. Бұл – Мәскеудегі ең үлкен жеңілістерінің бірі», – деп атап өтті Зеленский.
Украина аумағы арқылы ресейлік газдың берілуі тоқтатылғаннан кейін Молдова құрамындағы Приднестровье аймағында орталықтандырылған жылу жүйесі өшірілді. Бұл туралы «Тирастеплоэнерго» компаниясының баспасөз қызметі мәлімдеді.Жылу жүйесінің өшірілуі тұрғын үйлерді, бюджеттік мекемелерді және барлық меншік түріндегі ұйымдарды қамтыды. Алайда, бұл шешім медициналық мекемелерге, сондай-ақ әлеуметтік қорғау және еңбек министрлігіне қарасты стационар мекемелерге қатысты емес. Молдова бұқаралық ақпарат құралдарының мәліметінше, көптеген приднестровьеліктер сауда орталықтарында электр плиталары мен жылытқыштарды сатып алу үшін кезекте тұр. Тұрмыстық техника дүкендерінде сұраныстың күрт өсуі байқалуда.
Point.md порталының деректеріне сүйенсек, Приднестровье аймағындағы Молдавия МӨЭС Днестрдің оң жағалауына электр энергиясын жеткізуді тоқтатып, резервтік отын – көмірге көшкен.Порталдың мәліметінше, станцияның екі энергетикалық блогы жұмыс істей алатын донецк көмірінің қоры 50 күнге жетеді. Осы кезеңде электр энергиясы гуманитарлық қажеттіліктер үшін және өңірдің азық-түлік қауіпсіздігін қамтамасыз ететін кәсіпорындарға өндірілмек.
Электр қуаты тұрғын үйлерге, әлеуметтік мекемелерге, азық-түлік өндіретін кәсіпорындарға және азаматтардың өмір сүру қызметін қамтамасыз ететін ұйымдарға жеткізілетін болады. Электр энергиясының тапшылығы жергілікті өндірісті арттыру және Румыниядан импорттау арқылы өтелмек.
Ұқсас материалдар
