«Бұл сатып алу (MT-S-ті - ред.) біздің Қазақстан Республикасындағы кеңею туралы стратегиямыздың бір бөлігі. Қазақстан стратегиялық орналасуымен, бай ресурстарымен және іскерлік ортаға қолайлы жағдай жасауға деген ұмтылысымен ерекшеленетін серпінді инвестициялық ландшафт ұсынады. Сонымен қатар, экономикасы барған сайын әртараптандырылуда. Қазақстанның тұрақтылығы мен инновацияларға ашықтығы оны тұрақты даму мен ұзақ мерзімді инвестициялар үшін тартымды орынға айналдырады», - дейді PIH төрағасы Мұтаз Альхайят.
PIH президенті Рамез Альхайяттың айтуынша компания телекоммуникация және технология секторларының дамуына елеулі үлес қосуға, Қазақстандағы цифрлық тәжірибені жақсартатын инновациялық шешімдерді ұсынуға тырысады.
«PIH компаниясында біз бұл салаға стратегиялық түрде инвестиция жасаймыз және бүкіл әлем бойынша бірнеше нұсқаны қарастыра отырып, өзімізді инновациялардың алдыңғы қатарында және технологиялық шешімдерге деген өсіп келе жатқан сұранысты қанағаттандыратын етіп орналастырудамыз», дейді PIH президенті.Power International Holding (PIH) компаниясының Telecom Group бөлімінің бас директоры Михаил Герчук компания алдағы уақытта клиенттерге қызмет көрсету сапасын жақсартып, Қазақстандағы технологиялық сектордың өсуін жеделдетуге ұмтылады.
«PIH портфелі жасанды интеллектке негізделген қосымшаларды, бұлтты аналитиканы, процестерді роботтандырылған автоматтандыруды және жетілдірілген жасанды интеллект клиенттік тәжірибесін қамтиды. Біз Tele2-ні Қазақстандағы телекоммуникация және цифрлық технологиялар саласының көшбасшысы ретінде позициялауды мақсат етіп отырмыз», дейді Михаил Герчук.
Фото: powerholding-intl.com
Ұқсас материалдар
