Visa (NYSE: V) компаниясы бүгін Санжар Сүлеймановтың Орталық Азия бойынша вице-президент және аймақтық менеджер болып тағайындалғанын хабарлады.

Санжар Сүлейманов инновациялық шешімдер мен цифрлық төлемдерді кеңейтуге, сондай-ақ Visa серіктестері – банктерге, кәсіпкерлерге және карта иелеріне жеткізетін құндылықты арттыруға баса назар аудара отырып, аймақтағы Visa бизнесін басқарады.

Visa-ға келгенге дейін Санжар Сүлейманов 15 жылдан астам банк саласында және консалтингте жұмыс істеген. 2020 жылы Орталық Азиядағы Visa Direct директоры ретінде жұмыс істей бастады. 2023 жылы ол Украинада, Грузияда, ТМД елдерінде және Оңтүстік-Шығыс Еуропада Visa Direct жүйесін дамытумен айналысқан. Альфа-Банк Қазақстан, Qazkom Bank, KPMG, Қазақстан Сбербанк және HSBC сияқты ұйымдарда бизнесті дамыту, корпоративтік қаржы, жобалар мен өнімді басқару салаларында қызмет атқарған.

«Біз Санжардың Қазақстан, Өзбекстан, Қырғызстан, Тәжікстан және Түрікменстандағы вице-президенті және аймақтық менеджері болып тағайындалғанын хабарлауға қуаныштымыз. Қаржы саласында он бес жылдан астам тәжірибесі бар, оның ішінде Visa-да бес жыл тәжірибесі бар Санжар өңірде қолма-қол ақшасыз экономиканы дамытуға және озық технологияларды енгізуге елеулі үлес қосады. Visa Орталық Азия нарығында цифрлық төлемдер мен инновацияларды белсенді түрде ілгерілетумен 30 жылдан астам жұмыс істейді. Осы жылдар ішінде біз тек аймақта ғана емес, сонымен қатар жаһандық деңгейде озық шешімдерді енгізетін дарынды мамандар командасын құрдық», - деді Кристина Дорош, аға вице-президент және CISSEE (ТМД, Орталық Азия, Украина, Грузия және Оңтүстік-Шығыс Еуропа) аймағындағы Visa бойынша аймақтық менеджер. 

Visa туралы

Visa (NYSE: V) – цифрлық төлемдер индустриясының әлемдік көшбасшысы. Visa 200-ден астам елдер мен аумақтардағы тұтынушылар, бизнес, қаржы институттары және үкіметтер арасындағы төлем транзакцияларын өңдейді.