Air Astana Алматы, Париж, Ыстамбұл және Астанадан ұшатын рейстерге жаңа мәзір енгізеді. Енді жолаушылар түрлі тағамдардың дәмін тата алады деп хабарлайды әуекомпанияның баспасөз қызметі.

Сондай-ақ, көптеген өтініштерге орай Air Astana ұлттық тағамдарды көбейтуді жоспарлап отыр, мәселен, кейбір аймақтық бағыт үшін манты ұсынылады. Бұл тағам Астанадан ұшып шығатын рейстердегі бизнес-класс үшін дайындалған 6 өзгермелі мәзірлердің бірінде болады.

"Жаңа мәзір дайындай отырып, біз тағамдардың алуан түрлі болуына назар аудардық. Егер бизнес-кластағы жолаушыларға манты ұнаса, оны эконом-класқа да енгізуді қарастырамыз. Алдағы уақытта екі класта да ұлттық тағамдардың болуына көңіл бөлеміз", - дейді Air Astana әуекомпаниясының бас аспазы Ричард Хайлэнд.