Алматы. 9 маусым. 7kun.kz – «Ұлы Дала қырандары» республикалық қоғамдық қозғалысынан ҚР Президенттігіне үміткер Сәдібек Түгел елордадағы «Дарын» лицейінде орналасқан сайлау учаскесіне келіп дауыс берді.

Сәдібек Түгел өз қарсыластарынан ерекшеленіп, сайлауға ұлттық шапан киіп келді. Ол теледебатқа да шапан киіп келген болатын.

Президенттікке үміткер дауыс беруге жұбайымен және немересімен келген.