Премьер-министрдің орынбасары Серік Жұманғарин келесі жылы ауыл шаруашылығы тауарын өндірушілерге қаржылық субсидия беру тоқтағанын айтты.

Оның орнына 5 пайыздық несие беріледі. Диқандар субсидия орнына әкімдіктердің аударымдары арқылы көмекке сенетін болады.

«Шынымды айтсам, біз келесі жылы қаржылық субсидия бермейміз. Кредит 5%-бен беріледі – одан артық емес. Субсидиялар әкімдіктерге жалпы трансферттер арқылы беріледі. Мәселе мынада, қазіргі жүйе тұрақты кезек тудырады, қарыздар көбейе береді, мұны тоқтату керек. Қалай? Субсидияларды алып тастау арқылы, өйткені қаржыландыру жоқ», – деді Серік Жұманғарин. 

Ол биылғы жылы субсидиялауға бюджеттен 1 миллиард доллар бөлінгенін баса айтты.

Сонымен қатар, министр астықтың шіріп кетуі мен элеваторларда кезектің туындауы қоғам үшін жиі және ауыр жағдай екенін, бірақ оларды шешуге болатынын атап өтті.

«Негізі, элеваторларда қант қызылшасын тапсыру кезегінде тұрғанда астық шіріп кеткен жағдай бірнеше рет болды. Сол жылдардағы баспасөзге қарасаңыз, бұндай оқиғалар көп және олар әрқашан жағымсыз әсер берді.  Біз барлық  мәселенің тамырын басып отырамыз. Біз не істеу керегін білеміз, алдымызда айқын мақсаттар бар және оларға қалай жетуге болатынын да түсінеміз», – деп сендірді шенеунік. 

Сондай-ақ Серік Жұманғарин жаңа элеваторлар салу қажеттілігіне тоқталып, Қазақстанда 30 миллион тонна астық сақтайтын орын бар екенін, барлық шаруа қожалықтары өз өнімдерін сақтау үшін элеваторларды пайдаланбайтынын айтты.

«Бізге жаңа элеватор салу керек, орын аз, кезекте тұрмыз деп жатыр. Иә, ондай жағдай бар. Біз оны жоққа шығармаймыз. Бірақ бізге жаңа элеватор салу керек пе? Біздің Қазақстанда 30 миллион тонна астық сиятын қоймамыз бар, оның шамамен алғанда 50 пайызы релелік элеваторлар, 50 пайыз астық жеке шаруашылықтарда сақтаулы. Барлық шаруа қожалықтары жақсы астығын элеваторға тапсыра бермейді. Не үшін? Жақсы сапаны орташа сапаны араластыру болмайды. Барлық шаруа қожалықтары элеваторға бермейді, өйткені олар кезекте тұрғысы келмейді немесе оны алысқа апаруды қаламайды. Тиісінше, астық қар астында қалады, бір бөлігі шіріп кетеді, бірақ бұл тығырыққа тіремейді, негізгі бөлігі кептіріледі және сатылады. Түсінесіз бе? Біз қиын жағдайға тап болғандарға көмектесеміз», – деп түсіндірді ол.

Вице-премьер Үкіметтің Азық-түлік корпорациясына қолдау көрсету мәселесін талқылауға дайындалып жатқанын атап өтті.

«Сіздерге айтарым, бидайды тікелей сатып алу көптен бері жүргізілмеді, қателеспесем, соңғы рет 2011 жылы болды. Бірақ біз бірінші кезекте шағын және микрокәсіпорындардан сатып алуды тапсырдық, өйткені олар үшін бұл ең қиын, өйткені олардың көлемі аз, экспорттау қиын. Яғни, кімнің шынымен қиналып, кімнің құры сөзді сапырып отырғанын қазір шынымен көріп отырмыз. Оның үстіне мұны нағыз шаруалар емес, осы арқылы өзін-өзі танытқысы келетіндер істейді», – деп түйіндеді сөзін Серік Жұманғарин.