Алматы. 11 маусым. 7kun.kz - 2020 жылға қарай дамушы елдер ғаламдық сатылымдардың 45%-ын құрайды, деп хабарлады AtKearney.

Компания сарапшыларының пікірінше, 2020 жылға қарай әлемдік тұтыну шығыстары өседі және инфляцияны ескере отырып, 40 трлн доллар болады.

Әлемдік экономиканың жалпы өсуінің аясында сарапшылар тарапынан әр түрлі елдегі тұрғындардың шығындарының құрылымының кеңеюі болжанды. Сонымен бірге,, бұл үрдіс географиялық шекаралар мен мәдени қажеттілікке қарамастан кеңеюде.

Әлемдік сатылымдарда негізгі позицияларды АҚШ, Қытай және Үндістан алады. Дегенмен, дамушы елдердің үлесі 2020 жылға қарай 45% құрайды.

Егер 2010 жылы аталмыш елдерде 2 млрд адам болып, олар 4,6 трлн доллар жұмсаған болса, 2020 жылы дамушы елдердің халқы 3,4 млрд-қа жетеді және олардың шығыны 10 трлн долларды құрайтын болады.

Бұл топқа Қазақстан, сондай-ақ Бахрейн, Боливия, Бразилия, Чили, Қытай, Колумбия, Эквадор, Израиль, Кувейт, Перу, Катар, Сауд Арабиясы, Оңтүстік Африка, Оңтүстік Корея, Тайвань, Украина, Біріккен Араб Әмірліктері, Венесуэла және Вьетнам, Үндістан мен Әзірбайжан кіреді.

Сарапшылардың пікірінше, мұндай өсу осы елдерді жаһандық компаниялар үшін басымдыққа айналдырады.

Сонымен қатар, Қазақстан, Әзірбайжан мен Украинада, негізгі өсім жүргізушілерінің бірі - суық климат. Осы елдердің тұрғындары табысының айтарлықтай бөлігін жоғары калориялы тағам (ет, май, май және қант), жылы киім мен аяқ киімге жұмсайды.