Қазақстанның Қаржылық мониторинг агенттігі зейнетақы жинақтарын заңсыз пайдалану дерегі бойынша бейнежазба жариялады.

Видеода күдіктілерден тәркіленген ірі көлемдегі қолма-қол ақша көрсетілген.

Ведомствоның мәліметінше, 200 млрд теңгеден астам зейнетақы қаржысы жалған медициналық ұйымдар мен 226 дроппер арқылы заңсыз шығарылған. Бұл қаражатқа:

• 600 млн теңгеден асатын 15 автокөлік,

• Қымбат зергерлік бұйымдар,

• Пәтерлер, коммерциялық нысандар және жер учаскелері сатып алынған.

Алаяқтық көбіне тіс емдеу қызметтері арқылы жасалған. Осыған байланысты, енді зейнетақы жинағының бір бөлігін стоматологиялық қызметке пайдалану тоқтатылмақ.