Алматыда өтіп жатқан «Digital Almaty 2025» дәстүрлі форумы аясында Еуразиялық Экономикалық одақ  елдері Премьер-министрлері қатысатын пленарлық отырыс  өтеді.

Жиында цифрландырудың негізгі жобалары, жасанды интеллектіні қоғамның әр саласына енгізу  және технологиялық даму тақырыбы кеңінен талқыға түседі. 

Digital Almaty цифрлық форумы – IT-технологияларды әртүрлі салаларда қолдану бойынша әлемдік және қазақстандық жетекші сарапшылар жиналатын алаң.   Форумға Еуропа, Азия, Солтүстік Америка және Таяу Шығыстың 21 елінен келген 200-ге жуық спикер қатысады.
   
Форумның басты тақырыбы – жасанды интеллектінің экономика салаларында, атап айтқанда қаржы, өндіріс, медицина, білім және тағы басқа бағыттарда қолданылуы.