Біріккен Араб Әмірліктері Иран активтерін бұғаттауы мүмкін. Бұл туралы The Wall Street Journal басылымы хабарлады.

Егер Абу-Даби осындай шешім қабылдаса, Иран шетелдік валютаға қол жеткізу мен халықаралық сауда жүйесінен шеттетілуі ықтимал.

Соңғы мәліметтерге сәйкес, бұл шешім жөнінде Тегеранға алдын ала ескерту жасалған. Ал Иран билігі қақтығыс жақын арада аяқталмайтынын мәлімдеп отыр.

Ислам революциясы сақшылар корпусының өкілі, генерал Әли Мохаммад Наини Тегеран қарсыластарын тоқтатпайынша күресті жалғастыратынын айтты. Оның сөзінше, Иран АҚШ пен Израильге қарсы жаңа әскери операцияға дайындалып жатыр.