Еркежан Күнтуған Қазақстан Республикасы Президентінің телерадиокешені директорының орынбасары қызметіне тағайындалды. Бұған дейін ол Jibek Joly телеарнасын басқарған. Бұл туралы телерадиокешеннің баспасөз хабарламасында айтылған.

Жаңа қызметінде Күнтуған ұйым жұмысының негізгі бағыттарын үйлестіруге атсалысады. Оның ішінде телевизиялық контентті дамыту, ақпараттық және шығармашылық жобаларды іске асыру, сондай-ақ өндірістік үдерістерді жетілдіру бар.

Ол Jibek Joly телеарнасын 2023 жылдың қаңтарынан бері басқарған. Оған дейін Президент телерадиокешенінің креативті директоры қызметін атқарды.

Әр жылдары Atameken Business телеарнасында атқарушы продюсер, «Евразия» телеарнасында креативті продюсер болып жұмыс істеген.