Қазақстан футбол федерациясының (ҚФФ) бұрынғы басшысы Әділет Барменқұлов қазіргі уақытта күдікті деп танылған жоқ, деп хабарлады Қаржылық мониторинг агенттігі (ҚМА) төрағасының орынбасары Жеңіс Елемесов. 

«Шынында да, бізде Қазақстан футбол федерациясына қатысты ұрлық фактісі бойынша қылмыстық іс бар. Барменқұлов қазіргі уақытта күдікті деп танылмады, оған қатысты айыптау әзірге ұсынылған жоқ», – деді Елемесов сенат дәлізінде.

4 наурызда ҚМА баспасөз қызметі Қазақстан футбол федерациясының бұрынғы басшылығына қатысты сотқа дейінгі тергеу басталғанын хабарлаған болатын.