ҰҚК дерегінше, ақпан-сәуір аралығында Қазақстанға 128 мыңнан астам ресейлік келген. Бұл туралы ҚР Ұлттық қауіпсіздік қызметі айтты, деп хабарлайды 7kun.kz.

Ресей азаматтарының Қазақстанға келуі алдыңғы жылмен салыстырғанда екі есе көбейді.

"Биыл ақпан-сәуір аралығында Қазақстанға 128 мыңнан астам Ресей азаматы және 3 074 Украина азаматы келген. 2021 жылдың осы кезеңінде Қазақстанға 58 мыңнан астам Ресей азаматы және 2 617 Украина азаматы келген. Деректер 2021 жылмен салыстырғанда Ресейден келетін азаматтар ағыны екі есеге, ал Украинадан 15 пайызға артқанын көрсетеді", - деді ҰҚК-де.

Айта кетейік, 2022 жылдың қаңтар-наурызында 16 837 Ресей азаматы Қазақстанда уақытша тұруға рұқсат алған. Ішкі істер министрлігі мәліметінше, ресейліктер көбіне Қызылорда облысына - 2463, Алматыға - 2116, БҚО - 1677, Қостанай облысына 1525 келген.