Бас прокуратура мен Қаржылық мониторинг агенттігі 1,3 млрд теңге көлемінде салықтан жалтарғаны үшін айыпталған қазақстандық азаматты Грузиядан елге қайтарды.

Тергеу мәліметінше, ол 2023-2024 жылдары Алматыда жалған шот-фактуралар жазып, салық төлеуден қасақана жалтарған. Қылмыстан кейін шетелге қашып, халықаралық іздеуге жарияланған.

2025 жылдың қыркүйегінде Грузияда ұсталып, бүгін Қазақстанға экстрадицияланды. Қазір тергеу изоляторында.

Заң бойынша айып дәлелденсе:

• 7 жылға дейін бас бостандығынан айырылуы,

• Мүлкі тәркіленуі мүмкін.