Алматыда «Тұран» университетінің қабырғасында Fingramota.kz жобасының қолдауымен Қаржылық сауаттылық жөніндегі форум өтті.

Іс-шараның негізгі тақырыптары қаржылық алаяқтық, дропперлікке қарсы іс-қимыл, жеке қаржы және сауатты инвестициялау болды.

Университет ректоры Рахман Алшанов жастардың қаржылық жоспарлау және қаржылық алаяқтық белгілерін уақтылы тану үшін сыни ойлау дағдыларын дамыту қажеттігін атап өтті.

Алматы қаласы Полиция департаментінің Киберқылмысқа қарсы іс-қимыл басқармасының өкілдері форумға қатысушыларға алаяқтық схемалардың белгілері мен салдары, оның ішінде қылмыстық жауаптылық туралы айтып берді. Alatau City Bank қауіпсіздік жөніндегі мамандары цифрлық алаяқтық пен қорғану әдістеріне тоқталды.

Іс-шараға қатысушылар жеке қаржыны жүргізу, бюджетті жоспарлау және инвестициялау ережелері туралы да білді. Жетекші сарапшылар студенттерге дербес бюджетті сауатты қалыптастырудың негізгі тәсілдері туралы айтып берді.

Қаржы сарапшысы, инвестор және жинақ және инвестициялар жөніндегі оқулықтардың авторы Александр Репников ақылмен инвестициялау және жеке қаржыны басқару технологияларымен бөлісті.

Сарапшы Павел Афанасьев инвестициялық сектордың қалай жұмыс істейтіні және онда барлық ойыншы мен ұйымдардың қалай жұмыс істейтіні туралы айтты. Ол кез келген инвестициялық ақпаратты және контрагенттердің жұмысын дұрыс істеуін тексерудің де маңыздылығын атап өтті.

КАЅЕ Эмитенттер мен биржа мүшелерін мониторингтеу департаментінің директоры Жұлдызгүл Мажирина қор нарығының, биржаның жұмыс істеу қағидаттарына және, әсіресе, жаңа бастаған инвесторлар үшін әлеуетті тәуекелдерге тоқталып өтті.

Форумда «Тұран» университетінің қаржы және есепке алу жоғары мектебінің қауымдастырылған профессоры Роман Маргацкий де сөз сөйледі. Сарапшы қаржы психологиясының маңыздылығын және сауатты мақсаттар мен басымдықтарды құрудың маңыздылығын атап өтті.

Іс-шара соңында қатысушылар арасында қаржылық квиз өткізіліп, жеңімпаздар жүлдеге ие болды. Студенттер 12 жұмыс дайындады. Роликтер әлеуметтік желілерде Fingramota.kz жобасының беттерінде жарияланатын болады.