ForteBank бастапқы және екінші нарықтан тұрғын үй сатып алуға арналған жаңа ипотекалық бағдарламаны ұсынды.

Бұл туралы Telegram-дағы «Казахстан подешевле» арнасы хабарлап, ақпаратты банк ресми түрде растады.

Бағдарлама шарттары:

• Бастапқы жарна – тұрғын үй құнының кемінде 30%
• Қарыз сомасы – 100 миллион теңгеге дейін
• Ипотека мерзімі – 15 жылға дейін
• Сатып алынатын тұрғын үй пайдалануға берілген болуы тиіс

Жылдық тиімді сыйақы мөлшерлемесі (ЖТСМ) бастапқы жарнаға байланысты есептеледі:

• 50% жарна енгізгенде – 7,48%
• 40% жарна енгізгенде –10,79%
• 30% жарна енгізгенде – 13,05%

Маңызды мәліметтер:

• Ипотеканы рәсімдеу тек ForteBank бөлімшелерінде жүргізіледі
• Комиссия алынбайды
• Бастапқы жарна ретінде зейнетақы жинақтарын қолдануға болмайды
• Сыйақы мөлшерлемесі қарыздың толық сомасына есептеледі

Жаңа бағдарлама әсіресе жоғары бастапқы жарна енгізе алатын азаматтар үшін тиімді мүмкіндік. 50% жарнамен ұсынылатын 7,48% ЖТСМ қазіргі нарықтағы ең төмен мөлшерлемелердің бірі болып саналады.