«Азық-түлік келісімшарт корпорациясы» АҚ Қоғамдық кеңесінің отырысында компанияның 2024-2025 жылғы ауыл шаруашылығы жылы қорытындылары шығарылып, рекордтық көрсеткіштер жарияланды. Биыл корпорация 1,2 млн тонна астық өткізді, бұл соңғы он жылдағы ең жоғары көрсеткіш болып отыр.

Ішкі нарыққа 390 мың тонна, тікелей экспортқа 360 мың тонна, трейдерлер арқылы шетелге 453,3 мың тонна астық жеткізілді. Нәтижесінде корпорацияның республикалық астық экспортындағы үлесі 8,9%-ға жетті.

Бидай жеткізілімдері дәстүрлі нарықтарға – Қытай, Орталық Азия, Иранға, сондай-ақ жаңа экспорттық бағыттарға – Марокко, Вьетнам, Әзербайжан және Грузияға жүзеге асырылды. Алыс нарықтарға тасымалдау шығындарын субсидиялау бағдарламасы жеткізулердің жандануына септігін тигізді.