Елімізде кредит алудан рекордшы атанған әйел бар. Аты-жөні аталмайтын ол 116 кредит арқалап үлгерген. Бұл туралы Қазақстан Республикасының Қаржы нарығын реттеу және дамыту агенттігінің жыл басындағы талдауында жарияланды. Жыл соңы аяқталып қалды, әзірге бұл рекордты ешкім жаңартқан жоқ. 

Аталған талдауда тағы бірнеше рекорд көрсетілген. Мәселен, 2023 жылдың ішінде бір ғана ер адамның алған қарыздарының саны 69-ға жеткен. Яғни, ол әр ай сайын шамамен 5-6 несиеден алып отырған. Ал 2022 жылы бір азамат 79 несие рәсімдеген.

Қазақстанда қарыз алушы 8,9 млн адамның 64 пайызы тек бір банктің алдында қарыз. Ерлер де, әйелдер де көп жағдайда 1 банктен ғана кредит алуды жөн көреді.  Мұны да рекорд десе болады. 

Екі банкте кредиті барлар үлесі – 26%. 3 банкке берешек болып қалғандардың үлесі – 8% ғана.