Қарашада Ұлыбританиядағы автокөлік өндірісі өткен жылдың  ұқсас мерзіммен  салыстырғанда 30,1%-ға – 64 216 мыңға дейін төмендеді, деп хабарлайды Автомобиль өндірушілері мен трейдерлер қоғамы (SMMT).

Төмендеу тоғыз ай қатарынан жалғасты және қарашадағы көрсеткіш бойынша елде 63 мыңнан аз көлік шығарылған. Бұл 1980 жылдан бергі ең нашар көрсеткіш болды.

Ішкі нарыққа 9 928 мың автокөлік шығарылды (жылдық көрсеткіште 56,7%-ға төмендеу). Экспортқа шығарылатын автокөлік өндірісі 21,3%-ға, 54 288 мыңға дейін төмендеді. Ұлыбританияда шығарылған автомобильдердің 85% дерлік экспортталды, экспорттың жартысынан көбі (52,3%) Еуропалық Одақ елдеріне жіберілді.

Өткен айда елде 19,165 мың электромобиль мен гибрид шығарылды. Көрсеткіш жылдық мәнде 45,5%-ға төмендеп, мұндай автомобильдердің жалпы өндірістегі үлесі 29,8%-ды құрады.

Қаңтар-қарашада Ұлыбританияда автокөлік өндірісі 12,9%-ға төмендеп, 734,562 мың автокөлікті құрады. Бұл өткен жылдың сәйкес кезеңімен салыстырғанда 108 мыңға аз және Covid-ке дейінгі 2019 жылмен салыстырғанда жарты миллионға аз, деп хабарлайды SMMT есебінде. 

Айта кетейік, Jaguar, Rolls Royce, Bentley, Land Rover, Aston Martin сынды брендтердің барлығы Ұлыбританияның төл өнімі.