2026 жылы Қазақстанда ұшақтар мен пойыздарда интернет қолжетімді бола бастайды.

Бұл туралы Премьер-министрдің орынбасары – ЖИ және цифрлық даму министрі Жаслан Мәдиев мәлімдеді.

Оның айтуынша, алдағы жылы Air Astana әуе кемелеріне және Қазақстан темір жолы жолаушылар пойыздарына спутниктік интернет кезең-кезеңімен орнатылады. 2026 жылдың бірінші жартыжылдығында пойызбен қатынайтын жолаушылардың шамамен 50%-ы негізгі бағыттарда интернетке қосыла алады. Ал Air Astana борттарындағы интернет келесі жылдың қазан айында іске қосылмақ.