Алматыда қоғамдық көлікке төлем жасаудың жаңа әдісі қолжетімді болды.

Енді жолаушылар автобустағы ONAY QR-кодын сканерлеу немесе көлік кодын енгізу арқылы жолақысын Kaspi мобильді қосымшасы арқылы төлей алады. Бұл туралы "Алматы қаласы Көлік холдингі" хабарлады.

Компания мәліметінше, бұған дейін қолданыста болған ONAY картасы, мобильді қосымша және басқа төлем түрлері де өзгеріссіз қолданыла береді. Жаңа сервис жолаушыларға төлем процесін жеңілдетіп, қолма-қол ақшасыз қатынасты кеңейтуге бағытталған.