ҚР Ұлттық банкі алтын құймалардың дизайны өзгергенін хабарлады. Яғни, аффинаждалған өлшенген алтын құймалардың дизайнын жаңартты.

Жаңа дизайнға көне петроглифтер тұжырымдамасы арқау болды. Енді олар тек инвестициялық қана емес, сонымен қатар коллекциялық құндылыққа да ие бола алады.

Олардың бес түрі ұсынылады: 5, 10, 20, 50 мен 100 гр. Halyk Bank, Еуразиялық банк, Jusan Bank, ЦентрКредит Банкі мен жекелеген айырбастау пункттерінен сатып алуға болады. 

Жаңа дизайндегі алтын құймасы 2025 жылғы II тоқсанның аяғынан бастап сатылымға шығады.