Астана қаласының прокуратурасы инвесторлардың құқықтарын қорғау бағытындағы жұмысты жалғастырып, 30-дан астам заңсыз шешімнің күшін жойды.

Астана қаласының прокуратурасы мәліметінше, бұл бағыттағы негізгі құрал – «прокурорлық сүзгі» тетігі. Аталған механизмге сәйкес, инвесторларға қатысты кез келген шектеу шаралары міндетті түрде прокурормен келісілуі тиіс.

Қала прокуроры Ғабит Мұқановтың айтуынша, тексерулер жүргізу, тыйым салу, әкімшілік іс қозғау немесе талап-арыз бастау секілді шешімдердің барлығы осы сүзгі арқылы өтеді. Бүгінде мемлекеттік органдар қабылдаған 20-дан астам заңсыз шешім келісілмеген.

Сонымен қатар, «прокурорлық сүзгіні» айналып өтіп қабылданған 18 шешім анықталып, олардың күші жойылған. Бұл инвесторлардың құқықтарын қорғауға мүмкіндік берген.

Мысалы, ақпан айында бір кәсіпорынның қызметі прокуратура келісімінсіз екі айға тоқтатылған. Кейін қадағалау органының наразылығынан кейін бұл шешімнің күші жойылып, жоба қайта іске қосылды.

Прокуратура өкілдері әкімшілік кедергілерге тап болған инвесторларды арнайы байланыс арналары арқылы хабарласуға шақырды.