Алматы. 14 тамыз. 7kun.kz – 2018 жылдың қаңтар-шілдесінде еліміздегі ауыл, орман және балық шаруашылығы өнімінің жалпы көлемі 1309,7 млрд теңгені құрады. Бұл 2017 жылдың осы кезеңіндегі көрсеткішке қарағанда 3,5% көп, деп хабарлайды статистика комитеті.

Жалпы алғанда, аталған кезеңде мал шаруашылығы бойынша өнім көлемі - 1131,2 млрд (өткен жылдың осы кезеңімен салыстырғанда өсім 4,1 пайыз), өсімдік шаруашылығында өнім - 163,6 млрд теңгені құрады.

Өз кезегінде ауыл шаруашылығы саласындағы қызметтер көлемі 2,1 млрд теңге болды. Аңшылық шаруашылығындағы қызметтер - 0,5 млрд, орман шаруашылығында - 7,7 млрд, балық аулау мен аквамәдениетте - 4,6 млрд теңгені құрады.