Жаңа Салық кодексінің жобасында  БАҚ саласын ҚҚС (қосылған құн салығы) төлеуден босату көзделген. Бұл туралы «Параграф» ақпараттық жүйесінде жарияланған жобада көрсетілген. 

 «ҚҚС ставкасын 12%-дан 16%-ға дейін көтеру, БАҚ және агроөнеркәсіп кешенін ҚҚС-нан босату, ал фармацевтика өнеркәсібі, медициналық қызметтер және әлеуметтік маңызы бар азық-түлік тауарлары үшін 10% төмендетілген мөлшерлеме белгілеу ұсынылады», - делінген мәтінде.

Бұған дейін хабарланғандай, 20 ақпанда ҚР Парламенті Мәжілісінің қарауына Салық кодексінің жобасына ҚҚС ставкасын 12%-дан 16%-ға дейін арттыруды көздейтін түзетулер топтамасы енгізілген.

Негізгі түзетулер ҚҚС ставкасын 12%-дан 16%-ға көтеруді қамтиды, ал кейбір салалар үшін 10%-ға төмендетілген мөлшерлеме белгіленген.