Мәскеудің Таганский аудандық соты Google және Telegram компанияларын әкімшілік жауапкершілікке тартып, айыппұл салу туралы шешім шығарды.

Сот шешіміне сәйкес, Google LLC компаниясы Google Play арқылы VPN-сервистердің таралуына жол бергені үшін кінәлі деп танылды. Нәтижесінде компанияға алты хаттама бойынша жалпы көлемі 22,8 млн рубль айыппұл салынды. Компания интернет-ресурстарда заңсыз деп танылған ақпаратты жоймағаны үшін жауапқа тартылған.

Ал Telegram Messenger Inc. платформасы белгілі бір ақпаратты бірнеше рет жоймағаны үшін 7 млн рубль көлемінде айыппұл төлеуге міндеттелді. Сот мәліметінше, мессенджер қашықтан алкоголь сату туралы хабарландырулар мен кейбір контентті өшіруден бас тартқан.

Бұл жағдай Ресейде интернет-платформалардың заң талаптарын сақтауына қатысты бақылаудың күшейіп отырғанын көрсетеді.