«Газпром Армения» ЖАҚ хабарлауынша, Грузиядағы газ құбырындағы жөндеу жұмыстарына байланысты Ресейден    Арменияға газ жеткізу уақытша тоқтатылды.

«13 қараша сағат 10:00-ден 14 қараша сағат 22:00-ге дейін Грузия аумағында Солтүстік Кавказ – Закавказье транзиттік газ құбырының Қазақ-Сагурамо учаскесінде (DN 1000) авариялық қалпына келтіру жұмыстары жүргізіледі. Сондықтан Арменияға табиғи газ жеткізу уақытша тоқтатылады», – деп атап өтті компания.

Армения 2009 жылдан бері Ираннан газ алып, оны электр қуатына айналдырып, Иранға 1 текше метріне 3 кВт/сағ мөлшерінде экспорттайды. Ираннан келетін табиғи газ 4-4,5 кВт/сағ электр энергиясын өндіреді, ал артығы Арменияда қалады. Алайда, Ираннан жеткізілетін табиғи газ 2030 жылға дейінгі келісім-шарт негізінде ғана жүзеге асады.    

«Газпром» – Арменияға табиғи газды жеткізіп отырған жалғыз компания. Газ тасымалдау желісінің операторы ресейлік концерннің 100% еншілес кәсіпорны – «Газпром Армения» ЖАҚ.