Энергетика министрлігі елдің гидроэнергетикалық әлеуетін бағалау және тиімді пайдалану үшін су-энергетикалық ресурстардың бірыңғай цифрлық картасын әзірлеуді бастады.

Бұл туралы Үкімет отырысында министр Ерлан Ақкенженов мәлімдеді.

Жоба Қауіпсіздік кеңесінің тапсырмалары аясында іске асырылуда. Цифрлық платформа гидрологиялық, жер бедері, инфрақұрылымдық және құқықтық деректерді біріктіріп, болашақ ГЭС параметрлерін есептеуге, жобалауға дейінгі мерзімді қысқартуға және оңтайлы шешімдер қабылдауға мүмкіндік береді.