АҚШ президенті Дональд Трамп TikTok-тың америкалық бөлігін ел ішіндегі компанияларға тапсыру туралы ресми жарлыққа қол қойды.

Енді TikTok-тың АҚШ-тағы қызметі америкалық инвесторлардың бақылауында болады.

Негізгі өзгерістер:

• TikTok-ты басқаратын жаңа директорлар кеңесі құрылады.

• Құпия деректердің қауіпсіздігін қамтамасыз ету – басты міндет.

• Oracle америкалық компаниясы негізгі техникалық әріптес ретінде тағайындалды.

• Қытайлық ByteDance компаниясы TikTok-та 20%-дан аз үлесін ғана сақтап қалады.

Түсініктеме:

АҚШ вице-президенті Джей Ди Вэнстің айтуынша, бұл шешім TikTok-тың жұмысын тоқтатпай, америкалық қолданушылардың жеке деректерін қорғауға бағытталған.

Трамптың сөзінше, бұл келісімді Қытай төрағасы Си Цзиньпин де қолдаған.