29 желтоқсанда қолайсыз ауа райына байланысты Каспий құбыр консорциумы (КҚК) Қара теңіздегі теңіз терминалында мұнай тиеу және қабылдау жұмыстарын уақытша тоқтатты.

Қоймалар толып қалғандықтан мұнай қабылдау да шектелді. Жұмыс ауа райы түзеліп, дауылдық ескерту алынғаннан кейін қайта жанданады.

Компания экология мен өндірістік қауіпсіздікке басымдық берілетінін атап өтті. Бұған дейін ВПУ-2 қондырғысына жасалған шабуыл мен ВПУ-3-тегі жөндеу жұмыстары тасымалдау ырғағына әсер еткен. КҚК қалыпты жұмыс режиміне оралу туралы қосымша хабарлайтынын мәлімдеді.