Қазақстанда жаңа фармацевтикалық өндіріс іске қосылады.

Денсаулық сақтау министрлігінде түріктің Nobel компаниясымен 40 млрд теңгелік инвестициялық келісімге қол қойылды.

Министр Ақмарал Әлназарованың айтуынша, фармацевтика саласы тұрақты өсім көрсетіп отыр: өндіріс көлемі 10%-ға артса, инвестициялар екі есе ұлғайған. Бұл – отандық өндірісті дамытуға бағытталған мемлекеттік саясаттың нәтижесі.

Келісім аясында әлеуметтік маңызы бар 17 препарат пен 40 түрлі дәрі-дәрмек шығару жоспарланған. Зауыт құрылысы 2026 жылы басталады, ал өндіріс GMP халықаралық стандарттарына сай болады.

Жоба елдің дәрілік қауіпсіздігін күшейтіп, экспорттық әлеуетін арттыруға және жаңа жұмыс орындарын ашуға мүмкіндік береді.