Мемлекет басшысы Қасым-Жомарт Тоқаев 2026 жылды Цифрландыру және жасанды интеллект жылы деп жариялау туралы Жарлыққа қол қойды.

Бұл туралы Ақорданың баспасөз қызметі хабарлады.

Жарлықта цифрландыруды одан әрі дамыту және жасанды интеллектіні жаппай енгізу мақсатында 2026 жылды арнайы жыл ретінде өткізу көзделген. Үкіметке осы бағыттағы іс-шараларды әзірлеп, жүзеге асыру тапсырылды.

Құжаттың орындалуын бақылау Президент Әкімшілігіне жүктеледі. Жарлық қол қойылған күнінен бастап күшіне енді.