«Абай» несие серіктестігі» ЖШС микроқаржы қызметін жүзеге асыруға арналған лицензиясы 3 ай мерзімге тоқтатылды. Бұл туралы Қаржы нарығын реттеу және дамыту агенттігінің Сыртқы коммуникациялар Басқармасы хабарлады. 

Шешім Түркістан қаласындағы өңірлік өкілдері басқармасы бастығының 2024 жылғы «12» желтоқсандағы №26 бұйрығына сәйкес қабылданған. Бұған себеп - «Микроқаржылық қызмет туралы» Қазақстан Республикасы Заңының 16-бабы, 1-тармағының, 2-тармақшасына сәйкес, лицензияның қолданылуын тоқтата тұруға пруденциалдық нормативтерді және (немесе) сақтауға міндетті өзге де нормалар мен лимиттерді бұзу негіз болды.

Енді есие серіктестігіне микрокредит беру туралы жаңа шарттар жасасуына, оның ішінде микрокредит беру туралы қолданыстағы шарттардың қолданылу мерзімін ұзартуға және міндеттемелері мен жауапкершілігін ұлғайтуды көздейтін өзгерістер енгізуге тыйым салынады. Алайда бұрын жасалған микрокредиттер бойынша міндеттемелерін орындауға міндетті.