Биткоин бағасы 80 мың доллардан асып, соңғы үш айдағы ең жоғары деңгейге жетті.

Сарапшылар мұны Азия нарықтарындағы өсіммен байланыстырады. Дүйсенбі күні Сингапур саудасында криптовалюта 1,9%-ға қымбаттап, қаңтардан бергі рекордты жаңартты. Ал биткоин-ETF-ке бір күнде 630 млн доллар көлемінде қаражат түскен.

Нарықтағы өсімге геосаяси факторлар да әсер етуде. АҚШ-тың Ормұз бұғазы арқылы кемелерді өткізу жоспары және Иранның ықтимал жауабы инвесторлардың көңіл күйіне ықпал етіп отыр.

Айта кетейік, бұған дейін биткоин 126 мың долларға дейін көтеріліп, кейін 60 мың долларға дейін төмендеген еді. Қазір баға қайта өсім көрсетіп отыр.

Сонымен қатар, АҚШ президенті Дональд Трамп Ормұз бұғазында қалған кемелерді құтқару операциясы басталғанын мәлімдеді.