«ҚазМұнайГаз» компаниясы Баку-Тбилиси-Джейхан (БТД) құбыр жүйесі арқылы Қазақстан мұнайын жөнелтуді қайта бастады.

Ақтау портынан Қашаған кен орнынан өндірілген 8,8 мың тонна мұнай экспортқа жіберілді. Келесі партияны жөнелту 20 қыркүйекке жоспарланып отыр.

2025 жылдың алғашқы 8 айында БТД бағытымен Қазақстаннан 900 мың тонна мұнай тасымалданды. Алайда бұл бағыттағы тасымал тамыз айында уақытша тоқтаған болатын.

• 2022 жылы ҚазМұнайГаз бен SOCAR (Әзербайжанның мемлекеттік мұнай компаниясы) арасында Қазақстан мұнайының транзитіне қатысты бас келісім жасалды.
• 2024 жылы екі тарап мұнай тасымалын кезең-кезеңімен ұлғайту туралы қосымша келісімге қол қойды.

Бұл қадам – Қазақстан мұнайының балама экспорт бағыттарын әртараптандыру жолындағы маңызды бастама.