Банктің хабарлауынша ребрендинг «біртіндеп жүзеге асады»: алдымен жаңа атау электронды жүйелер мен онлайн-банкте ауысады, кейін жаңа логотипі мен корпоративтік стилін таныстырады. Сайт пен қосымшаның безендірілуі, карталар, банкоматтар мен кеңселердің дизайны 2024 жылдың соңына дейін өзгереді.
Айта кетейік, Беларусьтегі БТА Банкті 2024 жылдың маусымында «SNRG Capital Eurasia» ЖШС (Қазақстан) сатып алды. SNRG Capital Pte Ltd (Сингапур) тобына кіретін компания акциялардың 99,93%-ына иелік етеді және иесі қазақстандық кәсіпкер Сұлтан Маренов. Топ тікелей инвестициялар портфелін басқарады, цифрлық банкинг, қаржылық және ақпараттық технологиялар, бизнес-консалтинг және Оңтүстік-Шығыс Азия нарықтары мен еуразиялық аймақтың басқа елдерінде жобаларды басқарумен айналысады.
Маренов БТА банкіне бөтен адам емес, ол 10 жыл бойы, 2005–2015 жылдары өзі сатып алған БТА банкінің басқарма төрағасы, 2024 жылдың қаңтар айында директорлар кеңесінің төрағасы болды.
«Банктің бұрынғы иелеріне – «БТА Банкі» АҚ, «Fincraft Group» ЖШС қаржы тобына және жеке Кеңес Рақышев мырзаға үлкен алғысымды және ризашылығымды білдіремін, олардың арқасында банк Беларусь нарығына сұранысқа ие өнімдерді ұсыну арқылы қазіргі көрсеткіштеріне қол жеткізді», - деді Сұлтан Маренов.Беларусьтегі БТА Банкі — кезіндегі атышулы БТА империясының «қалдықтарының» бірі. Сатылғанға дейін Кенес Рақышевтің бақылауында болды. Рақышев аталған банкті сату туралы 2020 жылы айтқан еді, ол тек 4 жылдан кейін ғана мүмкін болды.
Ұқсас материалдар
