«Ұлттық қор – балаларға» бағдарламасы аясында 2008 жылы туған, яғни биыл 18 жасқа толатын қазақстандықтардың шотына тиісті қаражат 2026 жылдың 1 ақпанына дейін аударылады.

Бұл туралы Бірыңғай жинақтаушы зейнетақы қорының баспасөз қызметі мәлімдеді.

БЖЗҚ мәліметінше, әрбір баланың үлесі белгіленген мерзімге дейін жеке шотына толық көлемде түседі.

– 2008 жылы туған балалардың шотына қаражат 2026 жылдың 1 ақпанына дейін аударылады. Олар 18 жасқа толғаннан кейін бұл қаражатты заң аясында пайдалана алады, – деп хабарлады қор өкілдері.

Айта кетейік, 2025 жылғы Ұлттық қор табысы еліміздегі 18 жасқа толмаған барлық балалардың жеке шотына тең бөлінеді.