Қазақстан Республикасы Ауыл шаруашылығы министрлігі мал шаруашылығын дамытуға арналған жаңа жеңілдетілген несиелеу бағдарламасын іске қосты.

Бұл бастама Қасым-Жомарт Тоқаев тапсырмасына сәйкес әзірленген 2026-2030 жылдарға арналған мал шаруашылығын дамыту жөніндегі кешенді жоспар аясында жүзеге асырылып отыр.

Министрліктің мәліметінше, бағдарлама мал басын көбейтуге, саланың өнімділігін арттыруға және экспорттық әлеуетін кеңейтуге бағытталған.

Жаңа несиелеу бағдарламасының негізгі шарттары:

• жылдық сыйақы мөлшерлемесі – 6%;

• мал шаруашылығының ерекшеліктерін ескеретін икемді өтеу мерзімі;

• қаржыландыруды Аграрлық несие корпорациясы филиалдары, кредиттік серіктестіктер және екінші деңгейлі банктер арқылы алу мүмкіндігі.

Бағдарлама аясында берілетін қаражат ауыл шаруашылығы жануарларын сатып алуға және бордақылау алаңдарын дамытуға бағытталады.

Министрліктің хабарлауынша, жаңа тетік шаруаларды қолдауға және Қазақстандағы мал шаруашылығының дамуына қосымша серпін беруге тиіс.